Ուշ քնելը վտանգավոր է. 1in.am

Ուշ քնելու վտանգավորության մասին հայտնում է woman-talk.com-ը:

1. Մտավոր հյուծում: Ուղեղն ակտիվ հանգստանում է ժամը 21-23-ը: Եթե դուք միշտ քնում եք 23-ից ուշ, ապա աստիճանաբար ուղեղը հյուծվում է:

Եթե չեք քնում 23-ից մինչև գիշերվա 1-ը, տուժում է կենսական ուժը, խախտվում է նյարդային համակարգը, որի նշաններն են՝ թուլությունը, ծանրությունը և հոգնածությունը:

Եթե չեք քնում 1-3-ը, ապա առաջանում է ագրեսիվություն և գրգռվածություն: Հիշեք, որ ուղեղը կարիք ունի հանգստանալու:

2. Գեղեցկության խամրում: Քունը ամենաազդեցիկ միջոցն է՝ գեղեցկությունը պահպանելու համար: Քնի ժամանակ է տեղի ունենում բջիջների ակտիվ նորացում և հյուսվածքների վերականգնում:

3. Քրոնիկ հոգնածություն: Ժամանակի ընթացքում օրգանիզմում կուտակվում է ներքին լարվածությունը, և օրգանիզմը կորցնում է ինքնավերականգնման ընդունակությունը:

4. Ավելորդ կիլոգրամներ: Ամերիկյան գիտնականներն ապացուցել են, որ պարբերաբար չքնող կանայք արագ գիրանում են: Քնի պակասը վատացնում է օրգանիզմի նյութափոխանակությունը և առաջացնում գիրանալու ռիսկ:

5. Իմունիտետի թուլացում: Գիշերվա ընթացքում ակտիվանում են իմունային համակարգի բջիջները, որոնք ոչնչացնում են ցերեկը օրգանիզմ ներթափանցած հիվանդածին միկրոօրգանիզմներին: Սակայն դրա համար հարկավոր է գոնե 8 ժամ քնել:

6. Ծերացում: Գիշերային քնի ժամանակ վերականգնվում են մաշկի բջիջները, լավանում է արյան հոսքը, ինչը բջիջները հարստացնում է թթվածնով և ամինաթթուներով: Վերանում են կնճիռները, թարմանում է մաշկի գույնը: Սակայն դրա համար նույնպես անհրաժեշտ է քնել 8 ժամ:

Հարցեր, պատասխաններ, մեկնաբանություններ